PROXECTO “ANAQUIÑOS DE ILUSIÓN” 💙✨

O proxecto “Anaquiños de Ilusión” aflora no Centro de Día de Begonte 🏢 polos seus usuarios 👴 e usuarias 👵 e coordinado pola terapeuta ocupacional 👩‍🏫 Sonia López, coa finalidade de compartir un agarimo con persoas en situación de vulnerabilidade da nosa contorna neste tempo de nadal.

Con este proxecto, farase entrega dun agasallo artesanal 🎁 elaborado coas propias mans 🤲 de usuarios e usuarias do Centro de Día a persoas do Concello de Begonte que viven soas.

A actividade levouse a cabo paulatinamente ao longo dos meses deste ano ata agora, que será cando se faga a entrega dos agasallos artesanais.

Fixeronse manualidades con material de reciclaxe orientadas a un uso útil (moedeiros en fieltro e bomboneras feitas a gancho con bolsas). En total foron 82 agasallos elaborados de xeito artesanal. 🤩

A entrega a cada persoa vai ser levada a cabo polos Servizos Sociais comunitarios a través do Servizo de Axuda do Fogar.

🥰⭐️👏