Na actualidade, o Concello de Begonte contempla un total de 2.661.605 metros cadrados de solo industrial dentro do Concello, que se distribúen da seguinte maneira:
- Parque loxístico de Pacios-Baamonde 1.220.000
- Recalificación de uso industrial:
- Baamonde 470.000
- Begonte 260.000
- Parque empresarial actual 117.605
- Parque promovido pola Deputación Prov. 230.000
- Solo urbanizable industrial 70.000
- Solo urbanizable industrial (Fibranor) 294.000
De tódolos xeitos, esta cifra ampliarase no futuro ata os 5.000.000 metros cadrados, xa que a situación e as condicións para urbanizar vano permitir.
Deste xeito, Begonte convértese nun lugar excelente para situar empresas, pola dispoñibilidade de solo abundante e barato pero tamén pola súa excelente situación e comunicacións, xa que no Concello conflúen a Autovía do Noroeste (A-6), a Autovía do Cantábrico (A-8), as estradas N-VI (Madrid-A Coruña) e N. 634 (Rábade-Vilalba) e a liña de ferrocarril Palencia-A Coruña, con estacións en Begonte e Baamonde. Por outra parte, dista de Lugo tan só 23 quilómetros, e da Coruña (con porto e aeroporto), 61 qm. E está a menos dunha hora de Santiago de Compostela, capital de Galicia, co aeroporto central do País galego.
4 PARQUES INDUSTRIAIS
Consciente da necesidade de industrialización para o futuro do Concello, Begonte ten proxectados catro grandes parques industriais, dos que dous xa están en funcionamento. O Plan Xeral de Urbanismo, como antes as Normas Subsidiarias de Planeamento Urbanístico do Concello, contemplan as seguintes superficies para a instalación de empresas no termo municipal de Begonte:
Begonte
Situado nas inmediacións da capital do Concello, as tres fases xa en funcionamento teñen unha superficie de 117.605 metros cadrados, e unha capacidade de arredor de medio cento de empresas. Nestes momentos hai xa construídas máis de dúas ducias de naves comerciais neste Polígono.
Begonte-Rábade
Compartido co veciño Concello de Rábade, é no que está instalada a – polo de agora - máis importante industria do Concello de Begonte, a factoría Fibranor (Finsa).
Deputación Provincial
Promovido pola Deputación Provincial de Lugo, vai ter unha superficie inicial de 370.000 metros cuadrados, coa posibilidade de ampliación a 60.000 máis nunha segunda fase.
Pacios-Baamonde
Existe xa unha reserva de solo para este parque empresarial de 1.095.649 metros cadrados. Está situado ó norte da A 6, a ámbalas dúas marxes da N. 634. Quedará delimitada polas poboacións da Rega e Pereira, e a Autovía A-8.
A Xunta de Galicia vai investir 23,7 millóns de euros en acondicionar o Parque Subrexional Central Especializado de Pacios-Baamonde. Este parque contará con 651.910 metros cadrados de zona industrial, 29.456 de zona comercial, 12.125 para fins sociais; 30.830 de zona deportiva; 148.793 de espacios verdes e 52.897 de servicios.
